整完之後，我哋仲喺度

保用點運作

1. 幾時開始計：由維修完成嗰日開始計

   有換零件嘅維修，保用三個月；冇換零件嘅清理類工作，例如清理排水系統、清理內膽異物，保用一個月。洗衣機、雪櫃、乾衣機都一樣，以報價同收據所列為準。

2. 包咩：保用包嘅係「同一個問題」

   症狀一樣、位置一樣，同上次換嘅零件或者做嘅工序有關，就係同一個問題。保用係保證你講嘅故障唔會再出現。

   • 上次：有燈，唔入水 → 今次：有燈，唔入水 · 同一個問題
   • 上次：唔排水，積住水 → 今次：唔脫水，但水排得走 · 唔同問題
   • 上次：換門膠邊，整好漏水 → 今次：入水喉位置漏水 · 唔同問題

3. 再出事點算：免費上門檢查，有關就免費整返好

   保用期內同一個問題，我哋免費上門檢查；師傅確認同上次維修有關，同一件零件、同一個故障就免費整返好，唔使再畀錢。

4. 點解咁有信心：原廠全新零件，試機正常先收費

   換上去嘅係全新原廠零件。師傅換完即場試機，試機唔得會繼續排查，試機正常先收費。換落嚟嘅舊零件交返你，你親眼睇到。

   • 全新原廠零件，唔係翻新貨
   • 換完即場試機
   • 試機正常先收費
   • 舊零件交返你

5. 判症：保證師傅冇判錯症

   保用唔只包零件，亦保證師傅第一次冇判錯症。如果發現判錯或者有其他相關問題，我哋會即刻跟進同改正。每張單都有相片同影片紀錄，公司會逐單審核。

6. 三個月之後呢？ 三個月，唔係零件嘅壽命

   保用期係保證你講嘅故障，喺呢段時間唔會再出現，唔係話零件淨係用得三個月。全新原廠零件，正常用落去，耐過三個月好多。

7. 唔同問題呢？ 另一個問題，保用期內有優惠價

   如果係另一個故障、同上次維修無關，會另外報價，你同意先整；保用期內，呢個報價有優惠價。WhatsApp 睇唔出係咪同一個問題，我哋會先免費上門檢查，由師傅確認。

8. 清理類：一個月內再塞，第一次再清理免費

   排水系統、缸底喉淤塞，或者內膽跌咗異物，多數同日常使用有關，所以清理後保用一個月。一個月內同樣情況要再清理，第一次唔使再畀錢；之後再有第二次，就要收費。

   • 第 1 次再清理：免費
   • 第 2 次：要收費
   • 清理時換咗零件：嗰件保用 3 個月

9. 機門類零件：機門類零件，保用包安裝

   機門、門框、門膠邊、門把手、門鉸、門勾呢類一換一嘅零件，保用包師傅安裝嘅問題，例如裝得唔穩、對位唔正，免費整返好。之後再爛，唔包免費更換，但可以用優惠價再換。

   • 裝得唔穩、對位唔正 · 免費整返好
   • 之後再爛 · 可以優惠價再換

10. 最壞情況：真係整唔好，有退款安排

    機會好低。保用期內同一個問題再出現，要換另一件零件而超出你預算、你決定唔整，或者再上門都整唔好，可以申請退款。師傅先上門確認實際情況，再由公司按個案處理。

    小貼士 保用期內，最好留住換落嚟嘅舊零件。

11. 唔包嘅情況：呢幾種情況，保用唔包

    講清楚先，大家都安心。唔肯定屬唔屬保用，WhatsApp 講低情況同附相，我哋先幫你睇。

    • 過咗收據寫明嘅保用期
    • 期內俾其他師傅檢查、拆過或者改裝過
    • 用錯方法、疏忽或者人為損壞
    • 意外：淋雨、水浸、蟲鼠入機、寵物咬電線
    • 另一個無關嘅故障（有優惠價）
    • 機門類零件再爛（可以優惠價再換）

12. 點樣搵我哋：喺同一個 WhatsApp講一聲就得

    唔使重新落單。講低而家見到嘅情況，最好附相或者短片，例如有冇故障碼、邊度漏水；我哋會睇返上次整咗咩、幾時整，計返係咪仲喺保用期內。換咗電話號碼，講低舊號碼或者影低上次收據就得。

    1. 上個月你哋幫我換咗排水泵，今日又唔排水
    2. 短片 0:12
    3. 搵到你上次嘅維修：更換排水泵，仲喺三個月保用期內。
    4. 我交咗畀負責師傅了解情況，跟住同你約免費上門檢查。

我部機包唔包？

上次我哋做咗啲咩？ · 幾時整完？ · 而家嘅問題，同上次比？

喺保用期內：免費上門檢查

同一個問題，我哋免費上門檢查；師傅確認同上次維修有關，就免費整返好。喺之前傾開嘅 WhatsApp 講低情況，最好附相或者短片。

喺保用期內：第一次再清理免費

清理後一個月內同樣情況，第一次再清理唔使再畀錢；之後再有第二次，就要收費。

另一個問題：保用期內有優惠價

同上次維修無關嘅故障，會另外報價，你同意先整；保用期內，呢個報價有優惠價。

唔肯定？我哋先免費上門睇

WhatsApp 講低情況、附相或者短片。睇唔出係咪同一個問題，我哋會先免費上門檢查，由師傅確認。

安裝問題：免費整返好

機門類零件嘅保用包師傅安裝嘅問題。保用期內，我哋免費上門整返好。

再爛咗：可以優惠價再換

機門類零件保用只包安裝，之後再爛唔包免費更換，不過可以用優惠價再換。

已經過咗保用期

我哋照樣幫你睇：講低型號同情況，會按正常流程重新報價，你同意先整。

清洗服務冇保用期

清洗係清走積垢同異味，唔係維修，所以冇保用期；清洗前，我哋會先確認部機運作正常。清洗後部機有故障，會按維修另外報價。

呢度只係初步參考，最後以收據同師傅確認為準。